გოჯუ-რიუს აკადემიის მოწვევით საქართველოს ესტუმრასენსეი სიდნი ლაიენჰორსტი, ნედერლანდების სამეფოს შეფ ინსტრუქტორი გოჯუ-რიუკარატეში. სენსეი სიდნიმ გოჯუ-რიუს აკადემიაში სემინარები ჩაატარა, სადაც აკადემიის 200-მდე წევრი ჩაერთო.
სემინარები ასაკობრივი ჯგუფების მიხედვით გაიმართა, რამაც მონაწილეებს შესაძლებლობა მისცა, მათ ასაკსა და განვითარების საჭიროებებზე მორგებულ გარემოში ევარჯიშათ. ღონისძიება აკადემიისთვის განსაკუთრებულ თარიღს,17 ოქტომბერს დაემთხვა. გოჯუ-რიუს აკადემიის გახსნიდან ერთი წელი გავიდა.
საერთაშორისო სემინარით პირველი წლისთავის აღნიშვნა გამოხატავს აკადემიის მისწრაფებას, საქართველოში მოვარჯიშეებისთვის ხელმისაწვდომი გახადოს საერთაშორისო გამოცდილება და შექმნას უწყვეტი სწავლისა და განვითარების სივრცე.
საერთაშორისო გამოცდილება — ახალი ხედვა და სიღრმისეული ცოდნა
მსგავსი სემინარები მონაწილეებს საშუალებას აძლევს, გასცდნენ ყოველდღიური ვარჯიშის ჩარჩოებს,ნაცნობ ტექნიკებსა და პრინციპებს განსხვავებული პერსპექტივიდან შეხედონ.
ბავშვებისთვის ასეთი გამოცდილება შეიძლება იქცეს სწავლისა და ვარჯიშის დამატებით მოტივაციად. საერთო სავარჯიშო გარემო ხელს უწყობს ყურადღების კონცენტრაციის, დისციპლინის, ურთიერთპატივისცემისა და თანამშრომლობის უნარების განვითარებას. ამასთან, ბავშვები უშუალოდ ეცნობიან იმას, რომ კარატე საერთაშორისო საზოგადოებაა, რომელსაც საერთო ღირებულებები აერთიანებს.
გამოცდილი მოვარჯიშეებისა და ინსტრუქტორებისთვის კი სემინარი პროფესიული ცოდნის გაღრმავებისა და გამოცდილების გაცვლის მნიშვნელოვანი სივრცეა. მიღებული ცოდნა შემდგომ ყოველდღიურ ვარჯიშსა და სწავლების პროცესში გადადის, რაც ღონისძიების სარგებელს მის უშუალო მონაწილეებს მიღმაც ავრცელებს.
საერთაშორისო ღონისძიებები — აკადემიის ყოველწლიური ტრადიცია
გოჯუ-რიუს აკადემია მსგავსი საერთაშორისო ღონისძიებების ყოველწლიურად ჩატარებას გეგმავს. მიზანია, ბავშვებს, მოზარდებსა და ზრდასრულ მოვარჯიშეებს რეგულარულად ჰქონდეთ შესაძლებლობა, ისწავლონ საერთაშორისო დონის ინსტრუქტორებისგან, გაიღრმაონ ცოდნა და განიმტკიცონ კავშირი კარატეს საერთაშორისო საზოგადოებასთან.
გოჯუ-რიუს აკადემიისთვის კარატე ფიზიკურ მომზადებასთან ერთად თვითდისციპლინის, პატივისცემისა და პიროვნული ზრდის გზაა.
მსგავსი სემინარები სწორედ ამ ხედვას ემსახურება — შექმნას გარემო, სადაც თითოეული მონაწილე შეძლებს ახლის აღმოჩენას, საკუთარი პრაქტიკის უფრო სიღრმისეულად გააზრებასა და განვითარების შემდეგი ნაბიჯის გადადგმას.
მოწვეულ სტუმარს სასტუმრო "ტელეგრაფმა უმასპინძლა". მსგავსი ტიპის თანამშრომლობა და ინიციატივები ხელს უწყობს გოჯუ-რიუს აკადემიის განვითარებას.
