მაიამიმ შეძლო და სტუმრად ბოსტონი, 101:111 დაამარცხა, ამით კი სერიაში ანაგრიშის გათანაბრება მოახერხა. ერიკ სპოელსტრას ბიჭებმა, საკმაოდ კარგი შეხვედრა ჩაატარეს და აღმოსავლეთ კონფერენციის რეგულარული სეზონის ჩემპიონს, გვარიანადაც აჯობეს. მატჩის MVP ჯაილენ ბრაუნი გახდა, რომელმაც ბოსტონს 33 ქულა მოუტანა. რაც შეეხება მაიამიდან საუკეთესო მოთამაშეს, პარკეტზე გამორჩეული ტაილერ ჰერო იყო - 24 ქულა, 5 მოხსნა და 14 პასი.
სერიის მესამე შეხვედრას 28 აპრილს უკვე მაიამი უმასპინძლებს. მატჩი თბილისის დროით 02:00 საათზე გაიმართება.
დასავლეთ კონფერენციაშიც მხოლოდ ერთი მატჩი გაიმართა, სადაც ოკლაჰომამ პელიკანსთან დამაჯერებლად გაიმარჯვა და სერიაში დიდი უპირატესობაც შეიქმნა. ტაბლოზე საბოლოო ანგარიში 124:92 დაფიქსრიდა, მარკ დეინოლტის ბიჭებმა საოცარი პერფორმანსი შემოგვთავაზეს.
MVP როგორც წინა მატჩში, ახლაც შაი გილგეუს-ალექსანდერი გახდა - კანადელმა საკუთარ გუნდს 33 ქულა, 3 მოხსნა და 5 პასი მოუპოვა. პელიკანსიდან გამორჩეული მოთამაშე იონას ვალაჩუნასი იყო: 19 ქულა, 7 მოხსნა, 2 პასი.
სერიის მესამე შეხვედრას უკვე ნიუ ორლენასი უმასპინძლებს. შეხვედრა 27 აპრილს, თბილისის დროით 23:30 საათზე გაიმართება.
