საქართველოს 18-წლამდე მორაგბეთა ნაკრებმა სამხრეთ აფრიკის საერთაშორისო სერიის დასკვნით მატჩში ირლანდია 39:29 დაამარცხა. გიორგი ნემსაძის შეგირდებმა მეტოქე ყველა კომპონენტში დაჯაბნეს და წარმატებასაც დამსახურებულად მიაღწიეს.
სტელენბერგის უმაღლესი სკოლის მოედანზე ჩვენი გუნდი სრულ უპირატესობას ფლობდა და ანგარიში მე-3 წუთზევე გახსნა: გიორგი სუთიაშვილის ხაზის გაჭრის შემდეგ ფაზები ავკინძეთ საბა გიორგიძის ლელო ლუკა ჭაკუამ გარდასახა.სამიოდე წუთში გიორგი ხონელიძეს გაჭრის შემდეგ კიდევ ერთი სალელოვე შანსი გვქონდა, რომელიც დავით ახვლედიანმა გააგრძელა, მაგრამ ის მეტოქემ ჯარიმის ხარჯზე შეაჩერა.
პირველი 20 წუთი ფაქტობრივად სულ შეტევაში გავატარეთ, თუმცა ჯარიმის გათამაშების შემდეგ ლელო აქეთ მივიღეთ. მალევე მეტოქის 5-მეტრიანში ბურთი დერეფანში ვერ მოვიგეთ, თუმცა იქვე მას ალექსანდრე გამყრელიძე დაეუფლა და ლელო გაიტანა. თამაში რომ განახლდა კონტრშეტევაზე კიდევ ერთი ლელო გავუშვით, 30-ე წუთზე კი მეტოქის შეცდომის შემდეგ სწრაფად გადავერთეთ შეტევაში, გამყრელიძემ ხაზი გაჭრა და მისი ოფლოუდის შემდეგ გიორგი ბერძენიშვილმა ლელო გაიტანა, რომელიც ჭაკუამ გარდასახა. ტაიმის ბოლოს ირლანდიამ წონასწორობის აღდგენა მოახერხა - 19:19.
მეორე ტაიმი ჩვენი შეტევით დაიწყო, ბურთი ხაზზე კარგად გავათამაშეთ, მაგრამ ის მეტოქემ ლელოში ჩაგვიხურა შემდეგ ეპიზოდში დერეფნიდან კარგი მოლი ავაგორეთ, რომელსაც გამყრელიძე მოწყდა და ლელო გაიტანა, ჭაკუამ კი გარდასახა. ირლანდიამ ფეხით გადაკიდების შემდეგ ლელოთი სწრაფადვე გვიპასუხა, მაგრამ იქვე მოწინააღმდეგე მოლით დავძარით და საბა მერებაშვილმა ლელო მიითვალა.
რადგან გამარჯვებასთან ახლოს ვიყავით, შემდეგ ეპიზოდებში ჯარიმები კარში დავარტყით და გაშვებული ლელოს მიუხედავად 39:29 გავიმარჯვეთ.
18-წლამდელთა საერთაშორისო სერია
სამხრეთ აფრიკა. სტელენბერგის უმაღლესი სკოლა
III დღე. 15 აგვისტო. 15:30 (საქ. დრო)
ირლანდია - საქართველო 29:39
საქართველო
ხაზი:15. ლუკა ჭაკუა, 14. ალექსანდრე მამაიაშვილი, 13. დავით ახვლედიანი, 12. მიხეილ მგალობლიშვილი, 11. რეზი ცხვედიანი, 10. მათე მახარაძე, 9. გიორგი ხონელიძე;
შერკინება:1. ლუკა ბარბაქაძე, 2. ალექსანდრე გამყრელიძე, 3. იაგო ღუდუშაური, 4. საბა გიორგიძე, 5. ნიკოლოზ ხარებავა, 6. გიორგი ქევანიშვილი, 7. გიორგი სუთიაშვილი, 8. მათე ბერუაშვილი (კაპ.).
მარქაფა:16. საგა ჯიბღაშვილი, 17. საბა მერებაშვილი, 18. გიორგი ბერძენიშვილი, 19. ნიკოლოზ ფანცულაია, 20. ნიკა ჯანგულაშვილი; 21. ალექსანდრე გაგუა, 22. ნიკოლოზ ჩაჩანიძე, 23. გოგა ბერიძე; 24. ბართლომე ხამაშურიძე 25. ლუკა მუშკუდიანი, 26. ლუკა შულაია.
სამხრეთ აფრიკა ა - ირლანდია 32:31
სამხრეთ აფრიკა - საფრანგეთი 52:7
11 აგვისტო. ბოლანდ ლანდბოუ
სამხრეთ აფრიკა ა - საქართველო 20:5
ინგლისი - საფრანგეთი 40:26
სამხრეთ აფრიკა - ირლანდია 51:15
15 აგვისტო. სტელენბერგის უმაღლესი სკოლა
სამხრეთ აფრიკა ა - საფრანგეთი (13:30)
ირლანდია - საქართველო (15:30)
სამხრეთ აფრიკა - ინგლისი (17:30)
საქართველოს რაგბის კავშირი
