რა ვიცით "ქალაქელების" ახალწვეული ცენტრალური მცველის შესახებ? პირველად მან გაიბრწყინა 2023 წელს გამართულ 20-წლამდელთა მსოფლიო ჩემპიონატზე, რის შემდეგაც "წითელ-ოქროსფრებმა" ხუსანოვს კონტრაქტი გაუფორმეს. მისი ტრანსფერი სულ რაღაც €450 000 დაჯდა. როგორც ვხედავთ, "ლურჯებში" გადასვლის მომენტისთვის უზბეკი უკანახაზელის ფასი 88.8-ჯერ გაიზარდა.
პა-დე-კალეში გადასვლამდე, აბდუკოდირი თამაშობდა მინსკის ენერგეტიკში, რომლის შემადგენლობაში მან 2022-2023 წლებში 37 შეხვედრაში ოთხი გოლი გაიტანა. საფრანგეთის ჩრდილოეთში კი პეპ გუარდიოლას გუნდის ახალწვეულმა უკანახაზელმა 31 მატჩის ჩატარება მოასწრო. ის იქნება პირველი უზბეკი მოთამაშე, როგორც ეტიჰადზე, ისე ზოგადად პრემიერ ლიგაში.
აღსანიშნავია ისიც, რომ 20 წლის ცენტრალური მცველი გახდა ყველაზე ძვირადღირებული უზბეკი ფეხბურთელი ისტორიაში. მან მოხსნა ელდორ შომუროდოვის რეკორდი, რომელიც 2021 წლის ზაფხულში ჯენოადან რომაში €19.6 მილიონად გაიყიდა.
