LaGazzetta.ge გაესაუბრა საქართველოში გახსნილი მილანის ინტერის აკადემიის ტექნიკურ დირექტორს, მარკო მონტის. იტალიელი სელექციონერი შეეხო არაერთ საინტერესო საკითხს, პირველ რიგში, ახალგაზრდა ფეხბურთელების განვითარებასა და მათთვის პერსპექტიული მომავლის შექმნას.
- მიღწეული შედეგით კმაყოფილები ვართ. 3-წლიანი მუშაობის შემდეგ, კონტრაქტი გავახანგრძლივეთ კიდევ 5 წლით, რაც იმის მანიშნებელია, თუ როგორი ნაყოფიერია ჩვენი თანამშრომლობა. ჩვენთვის, ეს არის ერთ-ერთი ყველაზე მნიშვნელოვანი პროექტი მსოფლიოში და იმედი მაქვს, რომ შემდეგი 5 წელი, ასევე ნაყოფიერი და წარმატებული იქნება.
- თქვენი აზრით, რამდენად მნიშვნელოვანია ინტერის კავშირი აკადემიასთან, მწვრთნელებთან, ბავშვებთან, მათ მომზადებასთან?
- ქართული ფეხბურთი წარმატებულ გზას აგრძელებს, ევროპის ჩემპიონატის შემდეგ, უკვე ძალიან ბევრი ფეხბურთელი ხვდება ტოპ ლიგებში, მათ შორის იტალიაში საკმაოდ ბევრი ქართველი თამაშობს. ამ ახალგაზრდა თაობაზე რისი თქმა შეგიძლიათ და რას საუბრობენ ზოგადად იტალიაში ქართველი ფეხბურთელების შესახებ?
- თქვენი აზრით, რა სხვაობაა თქვენს აკადემიასა და სხვა ქართულ აკადემიებს შორის, საინტერესოს რას სთავაზობთ ახალგაზრდა ქართველ ფეხბურთელებს?
- ვთავაზობთ ჩვენს იდეას, რომელიც ახალგაზრდული ფეხბურთის ახალ საფეხურზე აყვანას ეხება. იტალიელი მწვრთნელები, ადგილობრივი მწვრთნელების დახმარებით, ახალგაზრდების განვითარებაზე მუშაობენ, როგორც სპორტული, ისე განათლების თვალსაზრისითაც. ჩვენი მიზანია, რომ აქ მოთამაშე ბავშვი გახდეს არა მხოლოდ კარგი ფეხბურთელი, არამედ მომავალში კარგ ადამიანადაც ჩამოყალიბდეს.
- როგორც გავიგეთ, კიდევ 5 წლით გახანგრძლივდა თქვენი თანამშრომლობა. სამომავლო გეგმების შესახებ რომ ვისაუბროთ.
- ვაგრძელებთ იმ საქმის კეთებას, რომელიც 3 წლის წინ დავიწყეთ. გვაქვს დიდი მოლოდინი და მაღალი სტანდარტი. რა თქმა უნდა, ყოველთვის არის რაღაც, რისი გაუმჯობოსებაც შეიძლება და ყოველდღიურად ჩვენ სწორედ ამას ვაკეთებთ. საქართველოს ასაკობრივ ნაკრებებში ჩვენი აკადემიის 15-მდე ფეხბურთელია და მიღწეულით დაკმაყოფილებას არ ვაპირებთ.
- ინტერის აკადემია საერთაშორისო ბაზარზე სულ უფრო და უფრო იზრდება. რომ ვისაუბროთ საქართველოს როლზე, რამდენად წარმატებულად მიმდინარეობს ინტერის აკადემიის საქართველოს პროექტი?
- საკმაოდ წარმატებულად მიმდინარეობს. როგორც აღვნიშნე, ჩვენი 15-მდე ფეხბურთელი საქართველოს სხვადასხვა ასაკობრივ ნაკრებებში თამაშობს. ამ ქვეყანაში ფეხბურთისადმი განსაკუთრებული ინტერესია, ვხედავთ ბევრ ნიჭიერ ფეხბურთელს, არსებობს ყველა კომპონენტი იმისთვის, რომ ახალგაზრდები მომავალში კარგ ფეხბურთელებად ჩამოყალიბდნენ.
- თქვენი აზრით, რამდენად მნიშვნელოვანია ინტერის კავშირი აკადემიასთან, მწვრთნელებთან, ბავშვებთან, მათ მომზადებასთან?
- ფუნდამენტურად მნიშვნელოვანია. იმისთვის, რომ გამოვიდეს რაღაც კარგი, ეს კავშირი აუცილებლად უნდა შედგეს. ფეხბურთელის განვითარება ჩვენი საქმის უმთავრესი ამოცანაა. აქ არ არის საუბარი მხოლოდ რამდენიმე მატჩის მოგებაზე, ჩვენი მიზანია მოთამაშე ავიყვანოთ ისეთ დონეზე, რომ მომავალში ის წარმატებული და გამარჯვებულის მენტალიტეტის მქონე პროფესიონალი გახდეს.
- ინტერის აკადემიის ფეხბურთელებს საქართველოს ასაკობრივ ნაკრებებში უფრო და უფრო ხშირად იძახებენ. ინტერის როლი ქართულ ფეხბურთში - ამის შესახებაც, რომ ვისაუბროთ.
- ჩვენ აქ იმისთვის ვართ, რომ დავეხმაროთ ადგილობრივ ფეხბურთელებსა და მწვრთნელებს წარმატების მიღწევაში. მთავარია ხარისხი და საქმისადმი სწორი მიდგომა. ამ ორი ელემენტის შერწყმით მომავალში აუცილებლად დავინახავთ შედეგს, კარგი ფეხბურთელებისა და კარგი მწვრთნელების სახით. ცხადია, არც ადამიანური ფაქტორი გვავიწყდება.
- ქართული ფეხბურთი წარმატებულ გზას აგრძელებს, ევროპის ჩემპიონატის შემდეგ, უკვე ძალიან ბევრი ფეხბურთელი ხვდება ტოპ ლიგებში, მათ შორის იტალიაში საკმაოდ ბევრი ქართველი თამაშობს. ამ ახალგაზრდა თაობაზე რისი თქმა შეგიძლიათ და რას საუბრობენ ზოგადად იტალიაში ქართველი ფეხბურთელების შესახებ?
- საქართველოს უკვე ჰყავს ტოპ ფეხბურთელები და ასევე, არის იმის რესურსი, რომ უმაღლეს დონეზე ავიდნენ ახალბედა, დამწყები ფეხბურთელები. ჩვენი მიზანია მოვამზადოთ ისინი, როგორც იტალიისთვის, ისე ზოგადად, ევროპული ფეხბურთისთვის. ვხედავთ ბევრ ნიჭიერ ფეხბურთელს, რომელსაც პოტენციალის სრულად წარმოჩენა სჭირდება.
იხილეთ ჩვენი პოდკასტის მორიგი ეპიზოდი
