პსჟ-ს მთავარმა მწვრთნელმა, ლუის ენრიკემ, ვილიარეალის დამარცხების შემდეგ ჩემპიონთა ლიგაზე გუნდის წარმატებული ასპარეზობა შეაფასა.
"ამას არანაირი მნიშვნელობა არ აქვს. საბოლოოდ, მადრიდში გასამართ ფინალში მხოლოდ ერთი ჩემპიონი გამოვლინდება და ჩვენი მიზანი სწორედ იქ ჩემპიონობაა. წინა სეზონებში ტიტული ისე მოგვიგია, რომ ლიგის ფაზა საუკეთესო რვა გუნდს შორის არ დაგვისრულებია."
"ფეხბურთში მინახავს გუნდები, რომლებსაც ხუთ წუთში სამი გოლი გაუტანიათ. მხოლოდ დაცვაზე ფიქრს აზრი არ აქვს — შეტევაზე უნდა გადახვიდე. ასეთ მოკლე მონაკვეთში ამდენი გოლი ჩვენ რომ გაგვეშვა, იმავე სირთულეების წინაშე აღმოვჩნდებოდით, როგორშიც ვილიარეალი აღმოჩნდა."
"სწორედ ასეთი მიდგომის დამკვიდრებას ვცდილობთ. თუ ჩვენმა გუნდმა რამე აჩვენა, ეს მისი საიმედოობაა — მოედანზე გასვლა და გამარჯვება, მიუხედავად ტრავმებისა და იმისა, თუ რომელ სტადიონზე ვთამაშობთ. მეტოქეს აშკარად ვაჯობეთ, რადგან გაგვიმართლა და ბურთის დაბრუნებას მათ კართან ძალიან ახლოს ვახერხებდით" — აღნიშნა პსჟ-ის მთავარმა მწვრთნელმა.
